|
ಮಹಾನಗರ ಪಾಲಿಕೆ ಪರಿಸ್ಕೃತ ಕಟ್ಟಡ
ತೆರಿಗೆ ದರ
10.03.10 ; ಮಂಗಳೂರು ಮಹಾ ನಗರ ಪಾಲಿಕೆ ವ್ಯಾಪ್ತಿಯಲ್ಲಿ
1-4-08 ರಿಂದ ಅನ್ವಯವಾಗುವಂತೆ ವಾಸ್ತವ್ಯ ಕಟ್ಟಡಗಳಿಗೆ 0.6% ಮತ್ತು ವಾಣಿಜ್ಯ ಕಟ್ಟಡಗಳಿಗೆ
2% ರಂತೆ ಸೊತ್ತಿನ ತೆರಿಗೆ ಜ್ಯಾರಿ ಮಾಡಲಾಗಿತ್ತು. ಈ ದರಗಳು ಅತಿಯಾದುದನ್ನು ಪರಿಗಣಿಸಿದ,
ಮಹಾನಗರಪಾಲಿಕೆ ತೆರಿಗೆ ಪ್ರಮಾಣವನ್ನು ಕಡಿತಗೊಳಿಸುವ ಸಲುವಾಗಿ, ತಜ್ಞರ ವರದಿಯ ಜೊತೆ,
ಸರಕಾರಕ್ಕೆ ಅನುಮೋದನೆ ಸಲ್ಲಿಸಲಾಗಿತ್ತು. ವರದಿಯನ್ನು ಪರಿಗಣಿಸಿದ ಸರಕಾರವು ವಾಸ್ತವ್ಯದ
ಕಟ್ಟಡಗಳಿಗೆ 0.6% ರಿಂದ 0.5% ,ವಾಣಿಜ್ಯ ಕಟ್ಟಡಗಳಿಗೆ 2% ರಿಂದ 1.5% ಹಾಗೂ ವಾಸ್ತವ್ಯೇತರ/ವಾಣಿಜ್ಯೇತರ
ಕಟ್ಟಡಗಳಿಗೆ 1.0%, ಖಾಲಿ ನಿವೇಶನಗಳಿಗೆ ಈ ಹಿಂದಿನಂತೆಯೇ 1000 ಚ.ಮೀ ವರೆಗೆ 0.1 % 1000
ನಿಂದ 4000 ಚ.ಮೀ.ನಿಂದ ಮೇಲ್ಪಟ್ಟು 0.25% ಮತ್ತು 4000 ಚ.ಮೀ.ನಿಂದ ಮೇಲ್ಪಟ್ಟು 0.01%
ದರಗಳನ್ನು ನಿಗಧಿಪಡಿಸಿ ಸರಕಾರವು ಅನುಮೋದನೆಯನ್ನು ನೀಡಿದೆ.
ಈ ದರಗಳನ್ನು ದಿನಾಂಕ 1-4-10 ರಿಂದ ಅನ್ವಯವಾಗುವಂತೆ
ನಾಗರಿಕರು ತಮ್ಮ ಸೊತ್ತು ತೆರಿಗೆಗಳನ್ನು ಮಹಾನಗರಪಾಲಿಕೆಗೆ ಪಾವತಿಸಬಹುದಾಗಿದೆಯೆಂದು ಜಿಲ್ಲಾ
ಉಸ್ತುವಾರಿ ಸಚಿವರಾದ ಶ್ರೀ ಜೆ.ಕೃಷ್ಣ ಪಾಲೇಮಾರ್ ನಾಗರಿಕರಲ್ಲಿ ವಿನಂತಿಸಿದ್ದಾರೆ.
|
