`ಕಡಲ ತಡಿಯ ಮನೆ' ಅನಾವರಣ

14.03.10 ಮಂಗಳೂರು : ದಾಸಜನ, ಮಂಗಳೂರು ಇದರ ಆಶ್ರಯದಲ್ಲಿ ಲಡಾಯಿ ಪ್ರಕಾಶನ, ಗದಗ ಪ್ರಕಟಿಸಿರುವ ಡಾ| ಸಬಿಹಾ ಭೂಮಿಗೌಡ ಅವರ ಕಥಾಸಂಕಲನ `ಕಡಲ ತಡಿಯ ಮನೆ' ಬಿಡುಗಡೆ ಸಮಾರಂಭವು ಮಂಗಳೂರು ವಿಶ್ವ ವಿದ್ಯಾನಿಲಯ ಕಾಲೇಜಿನ ಡಾ| ಶಿವರಾಮ ಕಾರಂತ ಸಭಾಭವನದಲ್ಲಿ ಮಾರ್ಚ್  13ರ ಶನಿವಾರ ಸಂಜೆ 5.30ಕ್ಕೆ ನಡೆಯಿತು.

ಪುಸ್ತಕ ಅನಾವರಣವನ್ನು ಖ್ಯಾತ ಬರಹಗಾರ್ತಿ ಶ್ರಿಮತಿ ವೈದೇಹಿ ನೆರವೇರಿಸಿದರು. ಬಿಡುಗಡೆಯನಂತರ ಪುಸ್ತಕದ ಬಗ್ಗೆ ತಮ್ಮ ಮಾತುಗಳಲ್ಲಿ ಪ್ರಶಂಶೆ ವ್ಯಕ್ತ ಪಡಿಸಿದರು.

ಅನಾವರಣ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಡಾ| ಬಿ.ಎ. ವಿವೇಕ ರೈ ವಹಿಸಿದ್ದರು. ಸ್ವಾಗತ ಭಾಷಣವನ್ನು ಡಾ| ಸೂರ್ಯನಾರಾಯಣ ಇವರು ನೆರವೇರಿಸಿದರು.

ಕಥಾಸಂಕಲನದ ಲೇಖಕರಾದ ಡಾ| ಸಬಿಹಾ ಭೂಮಿ ಗೌಡ ಪ್ರಸ್ತಾವನೆ ಮಾಡಿದರು. ಪ್ರಕಾಶಕರಾದ ಬಸವರಾಜ ಸೂಳೀಬಾವಿ ಕಥಾಸಂಕಲನದ ಬಗ್ಗೆ ತಮ್ಮ ಅನಿಸಿಕೆ ಗಳನ್ನು ಹೇಳಿದರು.

ಕಾರ್ಯಕ್ರಮದ ನಿರೂಪಣೆ ಮತ್ತು ವಂದನಾರ್ಪಣೆಯನ್ನು ಡಾ| ನಾ. ದಾಮೋದರ ಶೆಟ್ಟಿ ನಿರ್ವಹಿಸಿದರು.